PMC Metal Clay 純銀黏土
純銀黏土介紹:
PMC 銀黏土是由日本三菱株式社旗下技術人員於1996年研製而成, 註冊名稱為 PMC (Precious Metal Clay), 利用銀黏土製作首飾過程一點都不複雜，相對於傳統鑄銀需要多次加熱，打造，打磨的過程簡單安全得多，而且利用銀黏土製作銀飾是可以全程在家中完成的，所以銀黏土在熱愛DIY 的日本多年前已流行起來, 其後亦因銀黏土的可塑性，銀黏土於不少歐美國家興起。
PMC 純銀黏土含有99.99%純銀成份, 由純銀, 水及有機黏合劑3種成份構成, 屬軟身貴金屬黏土, 故在還未燒製前可用捏出不同造型, 而當黏土經過高溫燒製後,當中的水分及黏合劑就會氣化, 製品最後只剩下銀的成份而成為一件的99.9純銀首飾。
香港人喜歡尋求新玩意，銀黏土手製飾物響香港得以一路發展，有D朋友學咗就同friend講，甚至有D同學以銀黏土創業及接受訪問 （我哋當然都俾人訪問過無數次啦，HAHA）所以近年多咗朋友開始知道有銀黏土呢樣嘢，原來自己可以整銀戒指呀，吊咀呀咁，但大部份有興趣嘅人都未必知銀黏土究竟係咩，感覺上有 D 奇怪，所以就有 D 卻步。 甚至有D人話銀黏土咪又係黏土，做咩咁貴？！同紙黏土有咩分別？！我聽到啼笑皆非，如果施主你覺得紙同銀係一樣，價值相同嘅話，HAHA。
好喇，講返正題！咁究竟銀黏土係咩嚟嘅呢？
PMC 即是 Precious Metal Clay – 貴金屬黏土，由日本三菱公司出品。「PMC 銀黏土」即係日本三菱公司出品嘅 貴金屬銀黏土。
銀黏土顧名思義即是 銀嘅黏土，係製作銀器、銀首飾的原材料。
從型態方面嚟講，銀黏土係黏土狀，亦即係軟身嘅狀態，所以可塑性高，而黏土D水份乾咗之後就會變硬同脆，又所以以銀黏土製作作品時，把握銀黏土開始時軟身嘅時刻係好重要㗎！
成份方面，「PMC純銀黏土」有銀粒子、PMC有機接合劑、水份，所以要以正確燒製方法先可以將銀黏土唔係銀嘅成份燒走、氣化，最後只淨銀，所以就係純銀喇。 PMC層面嚟講，純銀是999銀，即99.9％成份係銀，唔係925，925有7.5%係其他金屬成份。而PMC 出品嘅純銀黏土有以下幾種，適合唔同工藝需要而運用。
PMC3 －黏土狀，易操作，現時大多數入門班都採用PMC3。
PMC Flex －黏土狀，易操作，比較耐乾，適合編織造型，但尤於價錢比PMC3 高少許，所以較少入門班會採用。
PMC Sheet －紙 (片) 狀，易操作，用摺紙技巧製作不同造型，我哋嘅摺銀紙班就係用呢佢喇。
PMC Syringe －盛載響針管入面嘅膏狀銀黏土，用嚟做特別造型，亦多會用嚟做修補，由於一開就係一 支，所以唔會響一般入門班採用。
PMC Paste － 膏狀，用嚟做特別造型，亦多會用嚟做修補，由於一開就係一 盒，所以唔會響一般入門班採用。 以上PMC銀黏土材料，作品完成後都係999純銀。
從價錢方面嚟講，銀絕係貴金屬，而銀黏土需要專門嘅製作過程去製造，有一定價值，亦因為咁價錢相對比其他手工藝材料較高，但如果你明白銀係咩嚟，唔搵其他物料比就唔會覺得貴啦。
睇到呢度，希望大家對PMC銀黏土有 D 認識啦。
賣吓廣告先 ～HEHE～我哋嘅銀黏土體驗班，有導師教，包材料，時間又彈性，簡直抵啦！＾＾
另外有少少分享，有同學上嚟搵我哋上堂，話之前試過去其他工作室整銀戒指，點知隻戒指一戴或一跌就爛，根據同學嘅描述，我哋覺得好可能係因為嗰間嘢將材料混合咗其他成份金屬嘅黏土，同埋有可能燒嘅方法出問題，所以會咁爛法。當然呢D只係我哋以經驗同物理常識作出嘅推測，始終唔係拎件嘢去驗都唔可以作實嘅～只不過我想話如果有人咁唔好彩賴過嘢，唔駛懷疑或對銀黏土失去信心。搵啱嘅workshop 上堂，去有信譽嘅商戶買就OK 啦！當然～搵我哋都係一個好好嘅途徑！＾＾
＊＊注意呢度淨係講PMC銀黏土，其他牌子，雜嘜，我哋不作評論或加以說明。